ÜBER UNS

Mir wüssä, dass es immer wider es Gliir git wäge ungnaue Plän.

Mit dere Erkenntnis si mir im Jahr 2018 z dritt anä Tisch ghocket und hei intensiv drüber diskutiert, was mir chöi machä, dass dä Ärger ir Zuekunft nümme vorchunt.

Am Tisch ghocket si:

Peter Dütschler
Dr Maa mit em riesige Wüsse us dr Vermässig und Geomatik

René Bützer
Dr Maa für di optimale betriblechä Ablöif

Ueli Brunner
Dä mitem Verständnis vo dr Architektur

Mir si bim Gsprächle schnäu zur Überzügig cho, das d Wäut vo dr Vermässig und dr Architektur zäme müesse verschmeuzä und z Wüsse us beidnä Bereiche derzue sött gnützt wärde, däm Gliir über ungnaui Date ändgültig dr Gaarus z mache.

So isch a däm Tag am Sitzigstisch am Fliederwäg in Thun d Idee zur Gründig vor DIGICASA entstande. Mit em guete Gfüel, dass mir zäme perfekt wärde harmoniere hei mir üs zum Ziu gsetzt:

Nie wider es Gliir wäge ungenauä Date. Ab itz lifere mir de Architekte ir ganze Schwiz genau die Date wo si bruchä, damit si ganz entspannt schöni Sache chöi boue.

D DIGICASA AG isch  i ne Familie namens GEOGRID AG gebore. Dr Peter und dr René hei nämlech o dert scho früe gseh, dass d Nutzig vo Synergie und ds Zämefüerä vo tollä Firme üsnä Lüt und o de Chunde grossi Vorteile bringt. D GEOGRID AG umfasst sibä Büros verteilt im ganze Kanton Bärn mit über 65 Mitarbeitendä und Lehrlingä.

So het d DIGICASA natürlech e optimale Start i ihres Firmeläbe gha mit e huufe Wüsse us au denä Frimä und vo Afang a grosser Mann- / und Frauenpower.

Dir gseht auso dass üsi Firma super ibettet isch, bis a Rand mit Wüsse us de für öich relevante Fachbereichä gfüllt isch vo de gliche drü über e Nasespitz uus blickende und immer no zäme am Tisch hockendä Mönsche gfüert wird.